بلوم ان

إيمان الزهراني

يا صاحب متجر الورد بالجملة …لك مني ومن جميع من أستدل على متجر الورد اليانع الجميل هذا كل الشكر والتقدير والثناء أن أنقذتنا من المتاجر التي أرهقتنا ماديًا بالمبالغة بالسعر… أصبحنا نتبادل هدايا الورد ولا نهاب غلاء الأسعار..سأخبر الجميع عنكم وسأدلهم على موقعكم وسأجعلهم يشاركوني فرحة الاستدلال على متاجر ورد جيدة وبأسعار معقولة … أشكركم من صميم قلبي وأشكر المحاسب أتوقع أسمه بلال على ذوقه وأدبه ولباقته وولائه للمكان ومهارته العالية في التعامل مع العملاء…وأوصي كل من يقرأ تعليقي هذا أن يتوجه لهذا المتجر في مناسباتكم ويشهد الله أنني لم أعرفهم إلا من ابنتي طالبة ماجستير التي تحتاج لعمل هدايا بشكل متكرر فبحثت حتى استدلت على هذا المكان المناسب فعليًا…

Raghad

جربتهم قبل فترة مرتين بشهر ديسمبر أفضل محل ورد جربته للآن يتميز بتنوع الورد، عن محلات ورد الجملة غيره + تصميمهم للمكان+ الورد مفتح+ اما الأسعار تقريبا نفس الشيء عندهم ورق تغليف+ العود اللي تحطه بالباقة بشكل حلو بس تدقع عليه اضافي وهم (ما يغلفون لك هذا التغليف، ماعندهم خدمة تغليف بس الورد اللي ماله تغليف شفاف يغلف البنياالي بالصوره بتشوفونه) بالنسبة للاوقات والتعامل المرة الأولى:- جيتهم على الظهر وكان التعامل جدًا رائع حتى مع التغليف البني سواه المرة الثانية:- جيتهم على اخر الوقت وكان مزدحم وكانو زي اللي يعزلون شوي فكانوا لا هين شوي، بس بالرغم من ذلك لما اطلب مساعدة من احد ماحد يقصر حتى بعز الانشغال، مالحقت على التغليف طبعًا اكرر الرجوع لهم الباقة بالوردي الورد منهم والتغليف من محل زهرة جنات حي اشبيليا ٣٥ ريال * تحديث جديد تو طالعه منهم وكل مره اطلع والانتماء لهم يكبر ولكن اليوم طالعه ومبسوطة منهم لان موظفين الاشخاص الصح بالمكان الصح حسن استقبال وحسن تعامل واقصد موظفين الاستقبال واخص رهف الله يعزها ويجعلها في عليين دنيا واخره ، واجهتني مشكلة بسيطة بالحساب وتعاملت احسن تعامل وانتظرت ولا تذمرت وقاعده تبسط الامور وتقابلها ببشاشة وتهوين هذا اذا قالوا لكم صج توفق صاحب المكان بالشخص الصح وحتى الموظف معها شخص واجهته مشكلة وكان زعلان وقاعد يحاول يغير جوه ماشاء الله على روحهم بس

glories Q

بتعامل معكم للابد 🩷🩷 ولان بين الصوره الاولى والصوره الثانيه اسبوع وهذي اول تجاربي مع الورد مشيت على نصائحهم وهي ✨ : ١- تغيير الماء كل يومين وقص الاوراق المتيبسة والورد المختنق ( اللي عنقه اسود ) ٢- عند كل تغيير نقص ساق الورد بشكل زاويه ٣- ملىء فازة الماء حتى نصف ساق الورد وليس الفازه ٤-اشتريت مع الباقه ثلاثه باكيت غذاء الورد من عندهم وصرت احطه واخلطه قبل احط الورد كل ما بدلت وتقريباً تكفي لأسبوع ٥- وهذي من عندي أسمي و اقراء على موية الورد ( بسم الله المحيي والمميت بسم الله مخرج الحي من الميت والميت من الحي بسم الله الذي لا يضر مع اسمه شي في الارض ولا في السماء وهو السميع العليم) لاني قرات ابحاث ان النباتات تتأثر بالكلام وكلام الله تعالى طيب 🤍

Ghada

المحل ممتاز جدا والتنوع فيه محير من كثر الجمال ولكن مافي تعاون من الموظفين او مساعده والي ماسكه الكاشير اسلوبها غير مهني واقفه قدامها وتنادي العامل بصوت عالي تبي يخلص شغله😅 وكل شوي اقولها حاسبيني ! واسحب منها الكلام تسحيب بالاسعار وطريقة استخدام غذاء الورد 😗

Reema

زرت المكان يوم السبت الساعة 6pm ماكان زحمة كثير بس بعدين ازدحم المكان يفتح النفس ونظيف والورد ياخذ العقل ماشاءالله تبارك الله، الله يبارك لهم❤️ المشكلة الوحيدة اللي واجهتني هي موظف الكاشير حسافة مكان زي كذا وموظف بهذي الاخلاق. يتكلم من طرف خشمه و بعد ما حاسبت حرفيًا رمى الكيس عليّ قلت له يعطيك العافية وطلعت. طريقة جدًا سيئة وغير اخلاقية ولا مهنية كتعامل مع الزباين